ԱՄՆ-ի կոնգրեսականները նշել են Արցախի անկախությունը

ԱՄՆ-ի կոնգրեսականներն այսօր հանդիպել են ԼՂՀ ԱԳ նախարար Կարեն Միրզոյանի հետ՝ նշելու Արցախի անկախությունը: Հաղորդում է Asbarez.com-ը:

Հանդիպմանը մասնակցում էին խորհրդարանականներ Էդ Ռոյսը, Արտաքին գործերի կոմիտեի նախագահ և կոնգրեսմեն Ֆրանկ Պալոնը, սենատոր Ջեք Ռիդը, Ադամ Շիֆը, Էլյոթ Էնգելը, Ջեֆ Դենհամը, Լինդա Սանչեսը, սենատոր Ռոբերթ Մենանդեսը և այլք:

ANCA-ի (Ամերիկայի հայկական ազգային կոմիտեի) նախագահ Արամ Համփարյանը նշեց. «Այսօր ուրախ ենք հանդիպել մեր կոալիցիոն գործընկերների հետ, որոնք գիտեն, որ ազատության երազանքները պատկանում են ԼՂՀ ազատ ժողովրդին և այլ ազգերին: Մենք լի ակնկալիքով ենք նայում այս երեկոյան հանդիպմանը և հույսով ենք, որ կշարունակվեն երկկողմանի օժանդակությունն Արցախի անվտանգությանն ու  տնտեսական և դեմոկրատիկ զարգացումներին»:

Երեկոյի հիմնական թեման Ադրբեժանի կողմից Ռամիլ Սաֆարովի բանտից ազատումն ու արտահանձնումն էր, որը վերացնում է տարածաշրջանում խաղաղություն հաստատելու բոլոր ջանքերը և տարածաշրջանում կրկին լարված իրավիճակ է ստեղծվում:

Երեկոն նվիրված էր կոնգրեսականներ Աննա Էշոյին և Բրեդ Շերմանին՝ Հայաստանի կողմից «Մխիթար Գոշի» մրցանակ ստանալուն: Նրանք որպես երախտիքի խոսք նշեցին, որ կշարունակեն ջանքերը՝ օժանդակելու Հայաստանի և Արցախի բնակչության դեմոկրատական ցանկություններին: Կարեն Միրզոյանն իր կողմից նշեց, որ վերջիններս կառաջադրվեն նաև Արցախի անկախության փառքի շքանշանի համար: