Մետրոպոլիտենը մեր աչքի առաջ մաշվում է. այն կարող ենք կորցնել. Փաշինյան

Երբ մենք տրանսպորտից օգտվում ենք, մեր մտայնությունն այն պետք է չլինի, որ ես հիմա օգտվում եմ Ա կետից Բ կետը գնալու համար: Մեր մտայնությունն այն է, որ մենք բոլորով այդ հանրային տրանսպորտը պիտի պահենք այնպես, որ հաջորդ սերունդն էլ այդ նույն տրանսպորտով գնալու հնարավորություն ունենա, որովհետև եթե մենք այդպես չանենք «Իկարուսի» նման ՄԱՆ ավտոբուսները դառնալու են «ԳԱԶել»-ներ, և այդ «ԳԱԶել»-ները նորից զրոյանալու են, և մենք սկսելու ենք նորից զրոյական կետից: Այս մասին Ազգային ժողովում հայտարարեց վարչապետ Նիկոլ Փաշինյանը:

Նա նաև անդրադարձավ մետրոյի գործունեությանը. «Մենք խոսում ենք մետրոյի նոր կայարանի մասին, այնինչ Մետրոպոլիտենը մեր աչքի առաջ մաշվում է: Դա հարստություն է, որը մենք կարող ենք կորցնել այս վճարային տրամաբանությամբ շարունակելու դեպքում»

Փաշինյանը նաև կարծիք հայտնեց՝ պետք է հայեցակարգային մակարդակում հասկանալ՝ մենք ուզո՞ւմ ենք այս տրանսպորտային համակարգը շարունակի գոյություն ունենալ և զարգանալ, թե՞ չենք ուզում. «Թե՞ ուզում ենք՝ էլի գան «Իկարուս», «Երազ», իշաոտնուկներով «Երազ»-ներ, «ԳԱԶել»-ներ, հետո՝ հուսահատության «ԳԱԶել»-ներ»: