Ինձ ուղղվեց մաղթանք-հորդոր, որ արշավը հասցնեմ վերջնանպատակին․ Աննա Հակոբյան
Հրապարակումներ«Կրթվելը նորաձև է»–ն այսօր հյուրընկալվել էր Լոռու մարզի Սպիտակ համայնքում։ Այս մասին Ֆեյսբուքի իր էջում գրել է վարչապետի տիկին Աննա Հակոբյանը։
«Երկար տեքստի փոխարեն կներկայացնեմ այն ձեւակեպումները, որոնք հանդիպման սկզբում հնչեցին մասնակիցների կողմից՝ ի պատասխան իմ հարցի, թե իրենց տպավորությամբ ինչի համար է #կրթվելընորաձեւէ արշավը.
Մտածելակերպի դրական փոփոխության համար
Կյանքի որակի դրական փոփոխության համար
Առողջ հասարակություն ձեւավորելու համար
Ամուր պետություն ունենալու, նոր հայրենիք վերածնելու համար
Ինքնավստահություն ձեռք բերելու համար
Կրթվելը վարակիչ դարձնելու համար
Հաջողությունների հասնելու համար
Նորարար տեխնոլոգիաներին տիրապետելու համար
Ինձ ուղղվեց նաեւ մաղթանք-հորդոր, որ արշավը հասցնեմ վերջնանպատակին. «Եւ վստահ եմ, որ արշավի ավարտից հետո կրթությունն այլեւս նորաձեւ չի լինի Հայաստանում, այլ կդառնա ապրելաոճ»,-ասաց մաղթանքի հեղինակը։
Անցյալ շաբաթ Սիսիանի հանդիպման սկզբում էլ հետեւյալ մտքերն էին հնչել.
#կրթվելընորաձեւէ
Մեր հոգեկերտվածքը հղկելու, մարդասիրությունը առաջ մղելու համար
Նախաձեռնողական լինելու համար
Հմտությունների կատարելագործման համար
Սեփական դիրքը հասարակությունում բարելավելու համար
Ինքնաճանաչման համար
Ընտանիքի համար
Գիտելիքը հոգու եւ մտքի հետ ուղիղ կապելու համար
Երաշխավորված կյանք ունենալու համար
Շնորհակալ եմ Սպիտակ համայնքի հանդիպման բոլոր մասնակիցներին հիասքանչ քննարկման համար։ 5 ժամ 20 րոպե խոսեցինք ու դեռ կխոսեինք»,– գրել է նա։
ՈՒՂԻՂ ԵԹԵՐ
Ամենադիտված 
Մարտի 20-ին կդադարեցվի ջրամատակարարումը. հասցեներ
