ՌԴ-ում դանակահարության համար դատապարտված դեռահասը ծնողների հետ արտաքսվել է Հայաստան
Իրավունք
Կրասնոդարի միջնակարգ դպրոցում իր հասակակիցների վրա դանակով հարձակված դեռահասը ծնողների հետ արտաքսվել է Հայաստան, «Կոմերսանտին» հայտնել են Կրասնոդարի երկրամասի ՆԳՆ գլխավոր վարչության մամուլի ծառայությունից։ Ավելի վաղ Կրասնոդարի Պրիկուբանսկի դատարանը դպրոցականին մեղավոր էր ճանաչել զենքի գործադրմամբ խուլիգանության մեջ և դատապարտել 30 000 ռուբլու տուգանքի։
Միջադեպը տեղի է ունեցել անցյալ տարվա դեկտեմբերի 6-ին։ Դպրոցի միջանցքում աշակերտների միջև կոնֆլիկտի ժամանակ դեռահասներից մեկը հանել է դանակը և հարվածել հասակակցի ոտքին։ Ծեծկռտուքի հետևանքով՝ տուժել են նաև այլ ուսանողներ։ Ծեծկռտուք հրահրողը բերման է ենթարկվել և տեղավորվել անչափահասների ժամանակավոր պահման վայրում։
Նրա ընտանիքի հետաքննության ընթացքում պարզվել է, որ դեռահասի ծնողները ՀՀ քաղաքացիներ են, ովքեր գտնվել են Ռուսաստանում, և դատարանը որոշել է նրանց արտաքսել։ Կարգադրիչները ընտանիքին ուղեկցել են Միներալնիե Վոդի քաղաքի սահմանային հսկողության կետ, որից հետո դեռահասին և նրա ծնողներին օդային ճանապարհով ուղարկել են Հայաստան։
Հարուցվել է քրեական գործ՝ ուսումնական հաստատության աշխատակիցների անփութության հիմքով։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
