Այս պահին բացառում եմ ռազմական էսկալացիան. Հայաստանն աջակիցներ շատ ունի. Խաչատուր Սուքիասյան (տեսանյութ)
ՏեսանյութերՄերոնք շատ դիվանագիտորեն են աշխատում և ոչ մի սրացում չեղավ այդ մասով: Այս մասին NEWS.am-ի հետ զրույցում նշեց ԱԺ ՔՊ խմբակցության պատգամավոր, գործարար Խաչատուր Սուքիասյանը՝ անդրադառնալով ՀԱՊԿ-ում Հայաստանի անդամության սառեցմանը:
Հարցին, թե արդյոք հնարավոր է նոր էսկալացիա եւ եթե նման բան լինի, որ ովքեր կլինեն Հայաստանի աջակիցները, նա պատասխանեց. «Նախ, ես այս պահին բացառում եմ նման զարգացումը՝ ընդհանուր համաշխարհային տենդենցները գնահատելով, ընդհանուր գործընթացը գնահատելով: ԱՄՆ նորընտիր նախագահ Թրամփը նույնպես ասաց, որ պետք է աշխարհում այդ պատերազմները չլինեն: Սա նշանակում է, որ նոր խոսք կա, նոր քաղաքականություն կա ու նոր պահանջ կա, դա փաստորեն որպես պահանջ հնչեց:
Ես կարծում եմ՝ աջակիցներ շատ ունի այսօր Հայաստանը, բայց մենք պետք է մեր աջակիցների վրա հույսը չդնենք, մենք պետք է կայուն, լուրջ պետություն լինենք իր հզոր մարտունակ բանակով, տեխնիկական հագեցվածության բարձր աստիճանով: Միշտ բոլոր ժամանակներում մենք պետք է տնտեսությունը զարգացնենք, բանակն էլ հզորացնենք, մեր հարևանների հետ էլ բարեկամ դառնանք, ընկերներ դառնանք:
Մենք պետք է նույն Թուրքիայի, Պարսկաստանի, Վրաստանի և Ադրբեջանի հետ տնտեսական փոխկապակցված հարաբերություններ ունենանք»:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
