ՀՀ իշխանությունները գերիների վերադարձի ուղղությամբ ոչինչ չեն անում. Մամիջանյան
Իրավունք
Ոչ միայն գերիների վերադարձի ուղղությամբ ոչինչ չեն անում, այլ ՀՀ ԱԺ–ն մերժեց ընդդիմության նախաձեռնությունը՝ մեր գերիների վերադարձի մասին հայտարարություն տարածել COP 29-ին ընդառաջ։ Այս մասին Բաքվում ապօրինի պահվող հայ գերիների վերադարձի պահանջով իրականացվող բողոքի ակցիայի ժամանակ ասաց «Պատիվ ունեմ» խմբակցության ղեկավար Հայկ Մամիջանյանը։
«Այդ հայտարարարությունը որևէ բառ ներքաղաքական իրավիճակի մասին չէր պարունակում։ Հիշեցնեմ նաև, որ այլ երկրների խորհրդարաններ, անհատ պատգամավորներ, քաղաքական միավորներ, հասարակական կազմակերպություններ շատ ավելի կոշտ հայտարարություններ էին տարածել, իսկ ՀՀ իշխող մեծամասնությունը հրաժարվեց մեր տղաների վերադարձի վերաբերյալ հայտարարություն տարածել, որովհետեւ իրենց հայի կյանքը չի հետաքրքրում: Այստեղ բացարձակ էական չէ՝ որեւէ մեկը համակրում է, թե չի համակրում Արցախի ռազմաքաղաքական ղեկավարներին: Հայ մարդիկ գերի են պահվում Ադրբեջանում, դրա մասին չխոսելը, լուռ մնալը եւ բոլոր միջոցները չօգտագործելը իրենց հետ վերադարձնելու համար, իմ կարծիքով, սրիկայություն է:
Այն, ինչ Ադրբեջանը փորձում է ստանալ քարոզչական տիրույթում, մեր բոլորի խայտառակությունն է: Անհրաժեշտ է գործ անել»,-ասաց Մամիջանյանը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
