Նոր Խարբերդում վառվում են կուտակված արկղեր, այրվում է 1000 քմ տարածք, աշխատում է 2 մարտական հաշվարկ (տեսանյութ)

Այսօր՝ հունվարի 23-ին, արտակարգ դեպք  է տեղի ունեցել Արարատի մարզում: Ժամը 17:50-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Նոր Խարբերդի 20-րդ փողոցի տներից մեկի բակում կրակ և ծուխ է նկատվում: 
 
Տեղում պարզվել է, որ հրդեհը բռնկվել է նշված փողոցի թիվ 23 տան բակում՝ մոտ 1000 քմ տարածքում, որտեղ այրվում են կուտակված արկղեր: 
 
Ըստ նախնական տեղեկությունների՝ բարեբախտաբար տուժածներ չկան: