Իսրայելի ռազմաօդային ուժերը հարձակվել են Լիբանանի ռազմական թիրախների վրա

Իսրայելի ռազմաօդային ուժերը հարվածներ են հասցրել Լիբանանի տարածքում գտնվող «մի շարք ռազմական օբյեկտների», որտեղ պահվում էին զենքեր և հրթիռային կայաններ, և արձանագրել էր շիական «Հեզբոլլահ» կազմակերպության ակտիվությունը: ՏԱՍՍ-ի փոխանցմամբ, այդ մասին հայտնում է Իսրայելի բանակի մամուլի ծառայությունը։

Զինվորականները նշել են, որ «այդ վայրերում ահաբեկչական գործողությունները Իսրայելի և Լիբանանի միջև հրադադարի համաձայնագրերի խախտում է»։

«Բանակը «շարունակում է գործել Իսրայել պետությանը սպառնացող ցանկացած սպառնալիքի վերացման ուղղությամբ», - հավելել է մամուլի ծառայությունը։