ՆԱՏՕ-ի նախկին գլխավոր քարտուղարը «ամոթանք է տվել» Թրամփին Պուտինի հետ խոսելու համար

ՆԱՏՕ-ի նախկին գլխավոր քարտուղար Անդերս Ֆոգ Ռասմուսենը ամոթալի է անվանել ԱՄՆ նախագահ Դոնալդ Թրամփի գործողությունները, երբ նա ուղիղ բանակցություններ է վարում Ռուսաստանի առաջնորդ Վլադիմիր Պուտինի հետ՝ անտեսելով «Եվրոպայի ձեռքբերումները»։ Նրա խոսքերը մեջբերում է Tagesspiegel թերթը։

«Ես անհանգստացած եմ, որ Եվրոպան նույնպես խնդրում է տեղ զբաղեցնել բանակցությունների սեղանի շուրջ։ Որովհետև Ուկրաինային հատկացվող եվրոպական ֆինանսական օգնությունն ավելի բարձր է, քան ԱՄՆ-ինը։ Ինչ վերաբերում է ռազմական աջակցությանը, այն մոտավորապես 50/50 է: Այն, որ Թրամփը հետո ուղղակիորեն բանակցում է Պուտինի հետ և անտեսում Եվրոպայի ձեռքբերումները, խայտառակություն է», - ասել է Ռասմուսենը:

Նրա խոսքով, իրադարձությունների այս զարգացումը պայմանավորված է նրանով, որ մայրցամաքի երկրները բավարար գումարներ չեն ներդնում սեփական պաշտպանության համար։ «Եվրոպան, ով բացահայտորեն դեմ է արտահայտվել Թրամփին, այժմ վճարում է դրա գինը»,-նշել է ՆԱՏՕ-ի նախկին գլխավոր քարտուղարը։

Ավելի վաղ Associated Press-ը հայտնել էր, որ նախագահ Դոնալդ Թրամփի մոտեցումը ուկրաինական հակամարտությունը դադարեցնելու հարցում անհանգստություն է առաջացրել եվրոպական մայրաքաղաքներում և Կիևում, որ Վաշինգտոնը մեծամասամբ կշեղի նրանց՝ ի դեմս Ռուսաստանի և Միացյալ Նահանգների հնարավոր ուղիղ բանակցությունների: