Ջոն Լեջենդը և Քրիսի Թեյգենը Լոս Անջելեսում 5.1 միլիոն դոլարով «օրգանական մոդեռն» տուն են գնել

Չորս ննջասենյակով առանձնատունը ընդգրկում է բնական տարրեր, խելացի տան տեխնոլոգիա և ընդարձակ բացօթյա տերրասներ։ 

Զույգի կողմից առանձնատան մասին գնման լուրը առաջինը հայտնել է Variety on Friday-ը։ Կառուցված լինելով 1930-ականներին՝ 3440 քառակուսի ոտնաչափ մակերեսով տունը ներկայացվել է որպես «օրգանական մոդեռն» գլուխգործոց, որը համադրում է ժամանակակից ճարտարապետությունն ու բնական տարրերը։

Ըստ Keller Williams-ի գործակալ Բենջամին Իլուլյանի հայտարարության՝ տունն ունի լողացող այգիներ՝ ներկառուցված կաթիլային ոռոգման և ջրահեռացման համակարգերով, ավելի քան 2,000 քառակուսի ոտնաչափ բացօթյա տերրասներ , ինչպես նաև սպա-տարածքով լողավազան։ 

Ներսի տարածքը բաժանված է չորս ննջասենյակի, չորս լոգասենյակի, պաշտոնական հյուրասենյակի և ճաշասենյակի, ինչպես նաև առանձին խոհանոցի՝ նախատեսված սնվելու համար։ Տունը հագեցած է խելացի տեխնոլոգիաներով և ունի 50 ոտնաչափ ճակատային հատված։

 Բացի այդ, այն ընդամենը մի քանի քայլ հեռավորության վրա է հայտնի խանութներից և ռեստորաններից, նշված է հայտարարության մեջ։ Պարոն Իլուլյանը, ով 2019 թվականի դեկտեմբերին գույքը ներկայացրել էր 5.195 միլիոն դոլարով, չի արձագանքել մեկնաբանության խնդրանքին։