Եվրոպան չի նախատեսում զորքեր տեղակայել Ուկրաինայի շփման գծում․ WP

Եվրոպան ծրագրում է Ուկրաինա մտցնել «զսպող ուժ»՝ բաղկացած մի քանի բրիգադներից, որոնք չեն տեղակայվի մարտական ​​շփման գծի  երկայնքով։ Այս մասին հայտնում է The Washington Post-ը՝ վկայակոչելով անանուն պաշտոնյաներին։

«Եվրոպական պլանի վերջին տարբերակը նախատեսում է մի քանի բրիգադներից կազմված զսպիչ ուժի ստեղծում՝ հավանաբար 25-30 հազար զինվոր, որը չի տեղակայվի շփման գծի երկայնքով, բայց պատրաստ կլինի ցույց տալ իր ուժը, եթե ռուսական ուժերը վերսկսեն պատերազմը։ Զորքերին կարող են աջակցել Ուկրաինայի սահմաններից դուրս լրացուցիչ ուժեր, եթե նրանց անհրաժեշտ լինի իրենց ուժերը համալրել և արագ առաջ շարժվել»,- ասվում է հոդվածում։

Ուկրաինա եվրոպական զորքեր ուղարկելու մասին խոսակցությունները թափ են հավաքում, քանի որ եվրոպացիները ձգտում են մասնակցել ԱՄՆ նախագահ Դոնալդ Թրամփի թիմի և Մոսկվայի բանակցություններին, նշում է հրատարակությունը։

Ինչպես հայտնում է EADaily-ն, Ստոկհոլմը կարող է խաղաղապահ ուժեր ուղարկել Ուկրաինա պատերազմի ավարտից հետո, Sveriges Radio-ի եթերում հայտարարել է Շվեդիայի արտաքին գործերի նախարար Մարիա Մալմեր Շտեներգաարդը։

Միաժամանակ նախարարը նշել է, որ առաջին հերթին Եվրոպան պետք է մտածի «արդար և կայուն խաղաղության» հասնելու մասին։