Մակրոնը խոստացել է շարունակել ուկրաինական հակամարտության քննարկումները
Աշխարհ
Ֆրանսիայի նախագահ Էմանուել Մակրոնը Փարիզում եվրոպացի առաջնորդների հետ հանդիպումից հետո հայտարարել է Վլադիմիր Զելենսկու և ԱՄՆ նախագահ Դոնալդ Թրամփի հետ բանակցությունների մասին։ Ամփոփելով X-ում բանակցությունները՝ նա խոստացել է շարունակել քննարկումներն առաջիկա օրերին։ Այս մասին հայտնում է ՏԱՍՍ-ը։
«Մենք ցանկանում ենք, որ Ուկրաինայում հաստատվի ուժեղ և կայուն խաղաղություն»,- ասել է նա՝ հավելելով, որ դա կպահանջի դադարեցնել ռազմական գործողությունները Ռուսաստանի կողմից և Ուկրաինայի անվտանգության հուսալի երաշխիքներ։
«Հակառակ դեպքում, այս զինադադարը կավարտվի այնպես, ինչպես Մինսկի համաձայնագրերը»,- գրել է նա՝ խոստանալով ԱՄՆ-ի, եվրոպական երկրների ու Կիեւի հետ միասին շարունակել կարգավորման աշխատանքները։
«Ես այս քննարկումները կշարունակեմ առաջիկա մի քանի օրվա ընթացքում»,- հավելել է նա։
Ֆրանսիայի նախագահ Էմանուել Մակրոնը Փարիզում ոչ պաշտոնական հանդիպման է հրավիրել Գերմանիայի, Իտալիայի, Լեհաստանի, Իսպանիայի, Նիդեռլանդների և Դանիայի ղեկավարներին, ինչպես նաև ԵՄ անդամ չհանդիսացող Բրիտանիային։ Բանակցությունները տեւել են մոտ երեք ժամ եւ ավարտվել առանց համատեղ հայտարարության։
Լրատվամիջոցների տեղեկություններով՝ հանդիպման մասնակիցների միջև տարաձայնություններ են ծագել Ուկրաինա զորք ուղարկելու հարցի շուրջ։
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
