Հրապարակվել է Էր Ռիադում Ռուսաստան-ԱՄՆ բանակցությունների պաշտոնական լուսանկարը

ՌԴ ԱԳՆ պաշտոնական ներկայացուցիչ Մարիա Զախարովան լուսանկար է հրապարակել Էր-Ռիադում Ռուսաստանի Դաշնության և ԱՄՆ-ի պատվիրակությունների՝ Ուկրաինայի հարցով մեկնարկած բանակցություններից։ Պաշտոնյաների հանդիպման կադրերը ներկայացված են նրա Telegram ալիքում։

Ինչպես հայտնել ենք, փետրվարի 18-ին Էր Ռիադում բանակցություններ են սկսվել ԱՄՆ-ի և Ռուսաստանի ներկայացուցիչների միջև։

Փետրվարի 12-ին հեռախոսազրույց է տեղի ունեցել Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև, որը տևել է մոտ մեկուկես ժամ։ Զրույցի ընթացքում առաջնորդները քննարկել են Ուկրաինայում ռազմական գործողությունները դադարեցնելու անհրաժեշտությունը և պայմանավորվել անհապաղ սկսել բանակցությունները՝ հակամարտությունը կարգավորելու համար։ Ավելի ուշ Թրամփը հայտարարել է, որ մտադիր է անձամբ հանդիպել Պուտինի հետ Սաուդյան Արաբիայում:

Փետրվարի 17-ին ՌԴ նախագահի օգնական Յուրի Ուշակովը և արտգործնախարար Սերգեյ Լավրովը մեկնել են Սաուդյան Արաբիայի մայրաքաղաք Ռիադ՝ ԱՄՆ ներկայացուցիչների հետ երկխոսության համար։ Զելենսկին հայտարարել է, որ չի ցանկանում մասնակցել ԱՄՆ-Ռուսաստան բանակցություններին։