Գերմանիայում աջակցություն են հայտնել Ուկրաինա զորքեր ուղարկելուն

Գերմանիան պետք է հաշտվի Ուկրաինա իր զորքերը ուղարկելու անհրաժեշտության հետ՝ հակամարտությունը կարգավորելուց և խաղաղության համաձայնագրի ստորագրումից հետո։ Այս մասին Tagesspiegel-ին տված հարցազրույցում ասել է Գերմանիայի նախկին արտգործնախարար Զիգմար Գաբրիելը։

Նրա խոսքով, եթե Ուկրաինայի նախագահ Վոլոդիմիր Զելենսկին համաձայնի հրադադարի, որի դեպքում հանրապետության տարածքի մի մասը կանցնի Ռուսաստանին, նա պետք է առնվազն անվտանգության երաշխիքներ ստանա։

Պատասխանելով լրագրողի այն հարցին, թե Գաբրիելն ընդունելի՞ է համարում Ուկրաինա զորք ուղարկելը, նա նշել է, որ «չի հասկանում, թե ինչ կա քննարկելու»։

Դիվանագետը կարծիք է հայտնել, որ առանց եվրոպական զորքերի տեղակայման՝ անհնար կլինի ստեղծել այն զսպող ներուժը, որն անհրաժեշտ է Ուկրաինային։ Նախկին նախարարը մեղադրել է նրանց, ովքեր չեն ցանկանում ընդունել իրադարձությունների այս ելքը, որ չեն ցանկանում հասնել խաղաղության։