Մոսկվայում ձերբակալվել է հայ գործարարը, ով մեղադրվում է մահափորձի մեջ

Դեկտեմբերի 19-ին ձերբակալվել է Инпрофстрой շինարարական կազմակերպության գործադիր տնօրեն Հովիկ Ալեքսանյանը, ով պատվիրել է իր նախկին գործընկեր Արմեն Շահինյանի սպանությունը: Այս մասին նշում է Коммерсантъ պարբերականը:

Շահինյանի սպանության մասին քրեականի աշխատակիցներն իմացել են 2012 թվականին: Ինչպես հայտնում են քննիչները, Ալեքսանյանը սպանությունը պատվիրել է նախկին պաշտպանության նախարարության աշխատակից Վլադիմիր Թումանովին` խոստանալով 3,5 մլն ռուբլի:

Հետաքննության աշխատակազմի աշխատակիցները հանդիպել են Թումանովի հետ և խոստացել նրան կազմակերպել Շահինյանի սպանությունը 2 մլն ռուբլիով, միաժամանակ նրանք այդ մասին տեղեկացրել են նաև Շահինյանին: Դեկտեմբերի սկզբին նրանք բեմադրություն են կազմակերպել`առևանգելով Շահինյանին ռեստորանից: Միևնույն ժամանակ, նրանք այդ մասին հայտնել են Հովիկ Ալեքսանյանին: Այնուհետև Շահինյանին դիակի գրիմ են արել` նրա մարմնի վրա թողնելով շնչահեղձության հետքեր:

Դեկտեմբերի 11-ին նրանք այդ նկարները հանձնել են Թումանովին, որն էլ իր հերթին այդ մասին հայտնել է Ալեքսանյանին: Ալեքսանյանի կողմից Թումանովին փող հանձնելու պահին ոստիկանները ձերբակալել են երկուսին էլ:

Նրանց մեղադրանք է առաջադրվել քրեական օրենսգրքի 30-րդ հոդվածի առաջին և երկրորդ մասերով, որի համաձայն՝ նրանց սպասվում է ցմահ բանտարկություն: Այժմ նրանք երկուսն էլ ձերբակալվել են երկու ամսով: