Միխայել Գալուստյան. Աշխարհի վերջին ես և կինս արդեն պատրաստվել ենք

Kp.ru-ին տված հարցազրույցում խոսելով աշխարհի վերջի մասին՝ դերասան Միխայել Գալուստյանն ասել է, թե ինչպես է ինքը պատրաստվում այդ պահին:

-Ես արդեն վաղուց ինչպես հարկն է պատրաստվել եմ: Երեք ուսապարկում հավաքել եմ ամենակարևոր իրերը: Յուրաքանչյուր պահ կարող եմ պատսպարվել որևէ տեղում և երկու ամիս կենդանի մնալ:

-Իսկ եթե ավելի լուրջ:

-Ես չեմ կատակում:

-Ձեր որոշ գործընկերներ ստորգետնյա ապաստարաններ են վարձել դեկտեմբերի 21-ի համար:

-Իմ տունը հենց ապաստարան է, ես կարող եմ չորսկողմանի անվտանգություն ապահովել մի ամբողջ ամիս:

-Այդ դեպքում, ըստ Ձեզ, ինչպիսի՞ իրեր պետք կգան Ձեզ:

-Անպայման բենզին: 100 լիտր: Գեներատոր կտեղադրեմ: Հուսով եմ՝ մինչև 21-ը կհասցնեմ: Մոմեր, պահածոյացված միս, ալյուր, կարագ, ընկույզ, չիր, մանկական սնունդ և մանկական տակդիրներ: Ես հենց այդպես էլ ասացի կնոջս. «Գնի՛ր ամեն ինչ: Ավելի լավ է հետո դա բաժանենք կարիքավորնեին, քան թե գլուխներս աղաղակով բռնենք. «Ինչո՞ւ նախապես այդ ամենը չմտածեցինք»: