Գիտնականները սովորել են գտնել մարմնի թաքնված վնասվածքները

Ռատգերսի քաղցկեղի ինստիտուտի գիտնականները սովորել են ճշգրիտ որոշել մարմնի վնասվածքի վայրերը վնասվածքից մի քանի րոպե անց։ Նրանք պարզել են, որ երբ բջիջները ոչնչացվում են մարմնի որոշակի հատվածում, մնում է հատուկ մոլեկուլային հետք։ Ուսումնասիրության արդյունքները հրապարակվել են Med ամսագրում։

Գիտնականները խոզերի վրա անցկացրել են մի շարք փորձեր։ Նրանք պարզել են, որ հատուկ պեպտիդները՝ ամինաթթուների կարճ շղթաները, կարողանում են ճանաչել և կապվել միայն վնասված հյուսվածքներում փոփոխված սպիտակուցների հետ։ Այս պեպտիդներից մեկը հատկապես խոստումնալից էր. այն ընտրողաբար կպչում է մի սպիտակուցի, որը փոխում է ձևը, երբ կալցիումի մակարդակը կտրուկ բարձրանում է։

Հետազոտողների կարծիքով, այս պեպտիդը կարող է դառնալ դեղամիջոցների կամ կոնտրաստային նյութերի ներարկման թիրախ, ինչը թույլ կտա վնասվածքի ճշգրիտ պատկերացում կազմել ՄՌՏ և ՊԷՏ (պոզիտրոնային էմիսիոն տոմոգրաֆիա) միջոցով։

Մեխանիզմը գործել է բոլոր փորձարկված կաթնասունների, այդ թվում՝ առնետների մոտ, ինչը, ըստ հետազոտողների, հաստատում է դրա ունիվերսալությունը մարդկանց համար։ Այս հայտնագործության շնորհիվ հնարավոր է ստեղծել դեղամիջոցներ, որոնք կգործեն միայն վնասվածքի տեղում՝ առանց առողջ հյուսվածքի վրա ազդելու։ Սա հատկապես կարևոր է շտապ օգնության մեջ, որտեղ հզոր դեղամիջոցների սխալ կամ վաղաժամ ընդունումը կարող է վնաս հասցնել։

Գիտնականները ընդգծեցին, որ հայտնագործության նշանակությունը կարևոր է ինչպես քաղաքացիական, այնպես էլ ռազմական բժշկության համար: Նախագծի համահեղինակ Ջոն Մոգֆորդի խոսքով՝ անկասելի արյունահոսությունը մնում է զինվորների մահվան հիմնական պատճառը մինչև հիվանդանոց հասնելը: Վնասվածքների հայտնաբերման նոր մեթոդը կարող է արմատապես փոխել իրավիճակը՝ թույլ տալով վնասվածքները տեղայնորեն և արագ հայտնաբերել:

Թարգմանությունը՝ Lurer.com-ի