Կատուն օգնել է լրագրողուհուն բացահայտել կրծքագեղձի քաղցկեղը

Բրազիլացի լրագրողուհի Իլեյն Կոստան պատմել է, թե ինչպես իր կատուն անսպասելիորեն փրկել է իր կյանքը՝ օգնելով ժամանակին հայտնաբերել կրծքագեղձի քաղցկեղը։ Ինչպես գրում է Terra-ն, կենդանին սովորություն ուներ ամեն երեկո պառկել տիրուհու կրծքին։

«Մի անգամ, երբ նա նրբորեն սեղմեց իմ աջ կուրծքը, ես զգացի տարօրինակ ցավ։ Ձեռքս դրեցի ու շոշափեցի կարծրացած հատված։ Սիրտս արագ սկսեց բաբախել։ Աշխատանքային երկուշաբթիին արդեն այցելել էի մամոլոգի մոտ», — պատմել է Կոստան։

Բժիշկների ստուգմամբ նրա մոտ հայտնաբերվել է կրծքագեղձի քաղցկեղի երրորդ փուլ, և նա անմիջապես անցել է քիմիաթերապիայի մի քանի ամսյա կուրս։ Այժմ լրագրողուհին պատրաստվում է վիրահատության և կրծքի վերականգնման՝ հումորով հավելելով․ «Թող տեղադրեն նոր իմպլանտներ, որ կարողանամ գեղեցիկ սամբա պարել Սապուկայում»։