«Նիկոլը ֆոկուսնիկ չէ, այլ էժան աֆերիստ է»․ Արմեն Աշոտյան
Բլոգոսֆերա
ՀՀԿ փոխնախագահ Արմեն Աշոտյանը գրում է․
«Այսօր ելույթ ունեցա ԵԺԿ քաղաքական համաժողովում՝ որպես նիկոլական հանցախմբի ճիրաններում երկու տարուց ավել մնալուց հետո ձայնս չկտրած մարդ, ով չի կարող հանգիստ լինել, երբ իր երկրում այս պահին մոտ 40 հոգի զրկված է ազատությունից իր քաղաքական հայացքների համար։
Հիմնական ասելիքս Հայաստանի եւ Ադրբեջանի բանտերում ապօրինի պահվող հայերի մասին էր։
Մեր երկրի իրական խայտառակ վիճակի, եվրոպական կառույցների երկդիմի լռության, Ադրբեջանում պատանդի կարգավիճակում գտնվող մերոնց մասին էր։
Գեոպոլիտիկայի մեջ բարոյականության սկզբունքները չկորցնելու կարեւորության մասին էր։
Նիկոլը ֆոկուսնիկ չէ, այլ էժան աֆերիստ է։ Դա է Կոպերֆիլդի եւ մատնոց ֆրցնողի ամենացցուն տարբերությունը։
Մի կամ մի քանի ելույթներով «գարուն» չի գա, անշուշտ։
Բայց ամենօրյա աշխատանքով պարտավոր ենք բզել ու բշտել բոլորին, որ կարող է եւ պարտավոր է ազդել եւ, հայացք չփախցնելով, շիտակ արձագանքել։
Հակառակ դեպքում պնդում եմ՝ իրական Եվրոպան ես եմ ու հարյուր հազարավոր իմ հայրենակիցներ, ովքեր գիտեն ազատության, արժանապատվության, պայքարի եւ մարդասիրության արժեքը»։
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
