Սպիտակ տունը հայտարարել է Թրամփի` Ուկրաինայի տարածքում հրադադարի հաստատման ուղղությամբ ծրագրերի մասին

ԱՄՆ նախագահ Դոնալդ Թրամփը կշարունակի աշխատել Ուկրաինայում խաղաղության համաձայնագրի հասնելու ուղղությամբ: Այս մասին Fox News-ի եթերում հայտարարել է Սպիտակ տան մամուլի քարտուղար Քերոլայն Լևիթը։

«Թրամփը աշխատում է 24/7 ռեժիմով՝ խաղաղություն հաստատելու ուղղությամբ, և նա կշարունակի դա անել Ռուսաստանի և Ուկրաինայի հետ, ինչպես արել է Իսրայելի և Գազայի հետ», - ասել է նա։

Սպիտակ տան խոսնակի խոսքով՝ նախագահի վարչակազմը հույս ունի Ռուսաստանի և Ուկրաինայի միջև «նոր լուսաբացի», ինչպես Մերձավոր Արևելքում։