Ես իրատես եմ․ Զելենսկի
Աշխարհ
Սպիտակ տանը մամուլի համար փակ հանդիպման ժամանակ Ուկրաինայի և ԱՄՆ-ի նախագահները խոսել են զենքի, մասնավորապես՝ հեռահար զենքի մատակարարման մասին: Այս մասին հայտնել է Ուկրաինայի խանագահ Վոլոդիմիր Զելենսկին, փոխանցում է УНИАН-ը։
Զելենսկու խոսքով՝ Թրամփի հետ զրույցի մի մասը նվիրված էր նաև հեռահար համակարգերին։ Սակայն նա հրաժարվել է մանրամասներ հայտնել։ «Մենք որոշեցինք, որ հիմա չենք խոսելու այդ մասին։ Միացյալ Նահանգները չէր ցանկանա էսկալացիա, ուստի այս թեմայի վերաբերյալ հնարավոր հարցերը կմնան անպատասխան», - ասել է Ուկրաինայի առաջնորդը։
«Նախագահ Թրամփն ինձ հետ կիսվել է ռուսական կողմի հետ իր երկխոսությամբ։ Այդ պատճառով մենք հասկանում ենք Ռուսաստանի բոլոր ազդանշանները։ Դրանք նոր չեն: Մենք հույս ունենք նախագահ Թրամփի ճնշման վրա՝ այս պատերազմն ավարտելու համար», - ասել է Զելենսկին։ Հարցին, թե այս հանդիպումից հետո նա քիչ թե շատ լավատես է Tomahawk հրթիռների մատակարարման հարցում, Զելենսկին պատասխանել է. «Ես իրատես եմ»:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
