Ալլեգրովային և Կրուտոյին մեղադրել են երգի պլագիատում

Ռուսական շոու-բիզնեսում նոր սկանդալ է ծագել․ ինտերնետ-բանաստեղծ Ալքվիադ (Սերգեյ Կրոտիկով) հրապարակայնորեն մեղադրել է երգչուհի Իրինա Ալլեգրովային և կոմպոզիտոր Իգոր Կրուտոյին՝ իր ստեղծագործությունը գողանալու մեջ։ Նրա խոսքով՝ «Одна» երգը հիմնված է իր դեռ 2008 թվականին գրված «Она сидела у окна» բանաստեղծության վրա, որի հիման վրա ինքը նաև երաժշտություն էր գրել։

Կրոտիկովը պատմել է, որ 2025-ի օգոստոսին Ալլեգրովան և Կրուտոյը երգը ներկայացրել են «Նոր ալիք» փառատոնում՝ հեղինակ նշելով ինչ-որ Նիկոլայի անուն։ Ավելի ուշ երգը հայտնվել է հոսքային հարթակներում Ալքվիադի հեղինակությամբ, սակայն նրա հետ ոչ ոք կապ չի հաստատել։

«Մենք արդեն պատրաստում ենք փաստաթղթերը դատարան ներկայացնելու համար։ Հույս ունեինք, որ իրենք կհասկանան և քայլեր կձեռնարկեն։ Չեմ հավատում, որ այդպիսի հայտնի մարդիկ կարող են այսպես վարվել», — ասել է Կրոտիկովը ՌԵՆ ՏՎ-ի հետ զրույցում։