Մեծ Բրիտանիան, Ֆրանսիան և Գերմանիան համաձայնության են եկել Միացյալ Նահանգների հետ՝ արագացնելու Ուկրաինայի համար երաշխիքների պատրաստումը

«Կամավորների կոալիցիայի» տեսակոնֆերանսի մասնակիցները ԱՄՆ պետքարտուղար Մարկո Ռուբիոյի հետ համաձայնության են եկել արագացնել Վաշինգտոնի հետ համատեղ ջանքերը՝ Ուկրաինայի անվտանգության երաշխիքներ մշակելու համար: Այս մասին ասվում է Գերմանիայի կանցլեր Ֆրիդրիխ Մերցի, Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քեյր Սթարմերի համատեղ հայտարարության մեջ, որը հրապարակվել է Գերմանիայի կառավարության կայքում:

Հայտարարության մեջ նշվում է, որ երկրների ներկայացուցիչները հանձնարարել են իրենց ռազմական գերատեսչություններին ավարտել այս հարցի վերաբերյալ համատեղ պլանավորումը: