Ռուսաստանը հաստատեց 2026–2028 թթ. դաշնային բյուջեն. եկամուտներն ու ծախսերը կաճեն, դեֆիցիտը կմնա բարձր

Ռուսաստանի Դաշնության խորհուրդը հաստատել է 2026 թվականի և հաջորդ երկու տարիների դաշնային բյուջեն։ Փաստաթուղթը Նախկինում արդեն ընդունվել էր Պետդումայում, և այժմ այն պետք է ստորագրի նախագահ Վլադիմիր Պուտինը, որպեսզի ուժի մեջ մտնի։ Բյուջեն նախատեսում է եկամուտների և ծախսերի կայուն աճ՝ պահպանելով դեֆիցիտը երեքից չորս տրիլիոն ռուբլու միջակայքում։

Ըստ հաստատված ցուցանիշների՝ բյուջեի եկամուտները 2026-ին կհասնեն 40,28 տրիլիոն ռուբլու, 2027-ին՝ 42,91 տրիլիոնի, իսկ 2028-ին՝ 45,87 տրիլիոնի։ Ծախսերը համապատասխանաբար կաճեն մինչև 44,07, 46,09 և 49,38 տրիլիոն ռուբլի։ Բացի այդ, սահմանվել է պետական ներքին պարտքի վերին շեմը՝ 2027-ի սկզբին՝ 37,44 տրիլիոն ռուբլի, իսկ հաջորդ տարիներին՝ 42,16 և 47,41 տրիլիոն։ Կառավարությունը նախատեսում է ամբողջ ժամկետում պահպանել շուրջ 4% ինֆլյացիոն ցուցանիշ։

Մոտ օրերում Դաշնության խորհուրդը քննարկելու է նաև հարկային օրենսդրության փոփոխությունների փաթեթը, որտեղ հիմնական փոփոխություններից են ԱԱՀ-ի բարձրացումը 20%-ից մինչև 22% և եկամտային շեմի եռակի նվազեցումը բիզնեսների համար, որի գերազանցման դեպքում նրանք կզրկվեն ԱԱՀ-ի որոշ արտոնություններից։