«Հետույք» բա՞ռն է դատապարտելի, ինչի համար Նարեկը և Վազգենը կալանավորվեցին. Նաիրա Զոհրաբյան

«Մամուլում հանդիպեցի, որ ԱԺ Պետաիրավական հարցերով մշտական հանձնաժողովի նախագահը «Չաթ ՋիԲիԹի» -ին հարցրել է, թե Հայաստանում քաղբանտարկյալներ ունե՞նք, թե՞ ոչ» և, ով զարմանք, չաթը նրան, բնականաբար, պատասխանել է, որ իհարկե չկա»,- «ՀՀ-ում առկա քաղբանտարկյալների և նրանց խախտված իրավունքների վերականգնման» մասին հայտարարության հիմքով հրավիրված  ԱԺ հանրային լսումներին ասաց հասարակական-քաղաքական գործիչ Նաիրա Զոհրաբյանը։

Նա նշեց, որ այդ հարցը տվող հանձնաժողովի ՔՊ-ական նախագահ Վլադիմիր Վարդանյանն իրավաբան է և աշխատել է ՍԴ-ում։

 «Նույն «Չաթ ՋիԲիԹի»-ին հարցրեցի, թե քաղաքական անմեղսունակությունը քանի երանգ կարող է ունենալ, և այդ չաթը մինչ այս պահը սեկրետ է ընկել»,- ասաց Զոհրաբյանը և շարունակեց. «Կցանկանայի, որ Հայաստանը ժողովրդավարության փարոս, կղզյակ, լամպչկա համարող ԱՄՆ դեսպանատան ներկայացուցիչը նայի դահլիճում դրված քաղբանտարկյալների նկարներին։ Երբ ես երկար տարիներ Եվրոպական ինտեգրման, այնուհետև Մարդու իրավունքների հանձնաժողովի նախագահն էի, ցանկացած նման քննարկման ժամանակ Սվիտալսկին լեժանկան  դնում էր և այստեղից որևէ տեղ չէր գնում... Սվիտալսկին և ԵՄ բոլոր դեսպանները ոչ միայն մասնակցում էին ընդդիմադիր քաղքական գործիչների դատերին, այլև նրանց մեզի անալիզների մայկաներով ներկայանում էին բոլոր ակցիաներին»։ 

Զոհրաբյանը նշեց, որ ԵԽԽՎ նիստում տեսարանի է ականատես եղել,երբ շվեդ մի պատգամավոր նավալնու մեզի անալիզի պրաբիրկան տարել է, որ շպրտի ռուսական պատվիրակության կողմը, բայց պատվիրակությունը բացակայում էր, քանի որ զրկված էր ձայնի իրավունքից՝ մարդու իրավունքները խախտելու համար։

 Հայտարարելով, որ 2012 թվականին ԵՄ-ում քաղաքական բանտրակյալների դրույթի մշակմանը մասնակցել է ինքը՝ Զոհրաբյանը պդեց, որ բանտարկվածները համարվում են քաղաքական հետապնդյալներ և բանտարյալներ։