Ֆոն դեր Լայենը ներկայացրել է Եվրոպայի պահանջները Ուկրաինայի խաղաղ պլանի վերաբերյալ

Եվրոպական հանձնաժողովի նախագահ Ուրսուլա ֆոն դեր Լայենը ներկայացրել է Եվրոպայի հիմնական պահանջները Ուկրաինայի շուրջ խաղաղ կարգավորման ամերիկյան պլանի վերաբերյալ։ Ինչպես հայտնում է Politico-ն, ԵՄ ղեկավարն ընդդիմացել է ԱՄՆ առաջարկած՝ Ուկրաինայի զինված ուժերի թվաքանակի կրճատման դրույթին։

«Ուկրաինային անհրաժեշտ են երկարաժամկետ և հուսալի անվտանգության երաշխիքներ՝ որպես ավելի լայն փաթեթի մաս, որը պետք է կանխի և զսպի ապագա  հարձակումներ… Այդ նույնքան ակնհայտ է, որ ցանկացած խաղաղ համաձայնություն պետք է ապահովի Եվրոպայի երկարաժամկետ անվտանգությունը», — նշել է նա։ Ֆոն դեր Լայենը ընդգծել է, որ Եվրոպայի համար անընդունելի է ամերիկյան նախագծում նշված սահմանների փոփոխությունը։ Նա հավելել է, որ Ուկրաինան պետք է ազատ լինի ցանկության դեպքում մտնելու Եվրոպական միություն։

Ավելի վաղ ֆոն դեր Լայենը հայտարարել էր, որ Ժնևում ԱՄՆ–Ուկրաինա բանակցություններից հետո առաջացել է «ճանապարհային մեկնակետ»՝ ուկրաինական հակամարտության խաղաղ կարգավորման պլանի համար։