Կալլասը պահանջել է, որ Ռուսաստանը նվազեցնի բանակի թվակազմը և կրճատի ռազմական բյուջեն

ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալլասը հայտարարել է, որ Ուկրաինայի շուրջ իրական խաղաղ գործընթացի համար Ռուսաստանը պետք է սահմանափակի իր բանակի թվաքանակը և կրճատի ռազմական ծախսերը։ Ինչպես փոխանցում է Reuters-ը, նա ընդգծել է, որ պատերազմը շարունակվելու է այնքան ժամանակ, քանի դեռ Մոսկվայի ռազմական կարողությունները չեն զսպվում։

«Եթե ցանկանում ենք կանխել այս պատերազմի շարունակումը, պետք է զսպենք Ռուսաստանի բանակը և նրա ռազմական բյուջեն», — նշել է Կալլասը։ Նրա խոսքով՝ ցանկացած խաղաղ համաձայնություն պետք է ենթադրի զիջումներ Ռուսաստանի կողմից։

Ավելի վաղ ֆինն քաղաքական գործիչ Արմանդո Մեման Կալլասին «վտանգավոր հոգեխանգարված» էր կոչել՝ պնդելով, որ նրա քաղաքականությունը սպառնալիք է ԵՄ անվտանգության համար։