Սերժ Սարգսյանի անունով կեղծ օգտահաշիվ է ստեղծվել WhatsApp հավելվածում

WhatsApp հավելվածում ստեղծվել է ՀՀ երրորդ նախագահ Սերժ Սարգսյանի անունով կեղծ օգտահաշիվ (+374 93 587035), որից տարբեր մարդկանց ուղարկվում են հաղորդագրություններ։

«ՀՀ երրորդ նախագահի գրասենյակն արդեն դիմել է համապատասխան մարմիններին՝ տեղեկացնելով զեղծարարության մասին և պահանջելով արգելափակել կեղծ օգտահաշիվը:

Խնդրում ենք՝  չպատասխանել նման հաղորդագրություններին, չտրամադրել որևէ անձնական տվյալ»,– ասված է հաղորդագրության մեջ։