Իմ պաշտանանկության շուրջ քննարկում եղել է, որոշում դեռ չկա. Շիրակի մարզպետ

Ես շարունակում եմ պաշտոնավարել, բայց անկեղծ ասում եմ՝ իմ պաշտանանկության շուրջ քննարկում եղել է, որոշում դեռ չկա։ Այս մասին լրագրողների հետ զրույցում ասել Շիրակի մարզպետ Դավիթ Առուշանյանն, որի պաշտոնանկ լինելու մասին լուրերը դեռ մեկ շաբաթ առաջ շրջանատվում էին։ 

«Ես միշտ անկեղծ եմ եղել, հիմա էլ անկեղծ ասում եմ՝ քննարկում եղել է, գիտեք՝ բոլոր պատգամավորների թեկնածուները վարչության անդամների հետ հանդիպում են ունենում, բայց որոշում չկա։ 

Գուցե և մարդիկ կային, որոնք ցանկություն ունեին հրապարակումները շատ արագ տարածելու, թե ես պաշտոնանկ եմ արվել, բայց որոշում լինելու պարագայում հրապարակում կլինի, ու քանի դեռ որոշում չկա, ես մինչև վերջին պահը Շիրակի մարզպետն եմ ու շարունակում եմ աշխատել»,– ասել է նա։ 

Առուշանյանը նաև նշել է, որ եթե իրեն հեռացնելու որոշում լինի՝ Փաշինյանի որոշման հետ հաշտ կլինի, իսկ կուսակցությունից դուրս գալու մասին խոսք լինել չի կարող, ավելին՝ ՔՊ վարչությունը հաստատել է թեկնածությունը ՔՊ ցուցակում՝ որպես Ազգային ժողովի պատգամավոր թեկնածու։ «2026 թվականի ընտրությունները կանցնեն, ու վարչությունը կորոշի, թե ինքը որտեղ կաշխատի՝ օրենսդիրում, թե գործադիրում»։