Մեծ Բրիտանիայի ԱԳՆ–ն կոչ է արել ՀՀ իշխանություններին պահպանել Սահմանադրությունը՝ Եկեղեցու շուրջ ստեղծված իրավիճակի ֆոնին

«Մեծ Բրիտանիան հետևում է Հայաստանի կառավարության և Հայ Առաքելական Եկեղեցու միջև ստեղծված իրավիճակին։ Մենք ակնկալում ենք, որ բոլոր գործողությունները կհամապատասխանեն Հայաստանի սահմանադրական և իրավական շրջանակներին՝ իրավական ընթացակարգի պահպանմամբ և բոլոր անձանց համար արդար վերաբերմունքի ապահովմամբ՝ համաձայն օրենքի, ինչպես նաև թափանցիկ և անաչառ դատական ​​​​գործընթացներով», - ՌԻԱ Նովոստիի փոխանցմամբ` ասել է նա։

Արտաքին գործերի նախարարության փոխնախարարը հավելել է, որ «Մեծ Բրիտանիայի կառավարությունը նախկինի պես հաստատակամորեն հավատարիմ է ամբողջ աշխարհում կրոնի և համոզմունքների ազատության իրավունքների պաշտպանությանը։ Նախարարներն ու պաշտոնյաները պարբերաբար քննարկում են մի շարք հարցեր մեր հայ գործընկերների հետ», - ասել է Չեպմանը Լոնդոնի Սաթերլենդի շրջանի անգլիկան եկեղեցու եպիսկոպոս և Մեծ Բրիտանիայի խորհրդարանի Լորդերի պալատի (վերին պալատ) անդամ Քրիստոֆեր Չեսանի հարցին գրավոր պատասխանում։