Ամենաբարձր վարկանիշ ունեցող դատավոր Արման Հովհաննիսյանն արդեն երրորդ անգամ արժանացել է «Թափանցիկ ձեռք» մրցանակի

«Թափանցիկ ձեռք 2025» մրցանակն ավանդույթի համաձայն հանձնվել է 2025 թվականի արդյունքներով փաստաբանների կողմից ամենաբարձր վարկանիշի արժանացած դատավորին՝ Երևան քաղաքի ընդհանուր իրավասության քրեական դատարանի դատավոր Արման Հովհաննիսյանին։

Դատավոր Հովհաննիսյանը, ով արդեն «Թափանցիկ ձեռք» հուշանվերի եռակի մրցանակակիր է, Ֆեյսբուքի իր էջում գրել է․

 

«Արդեն երրորդ անգամ համախմբված ու արժանապատիվ փաստաբանական համայնքի կողմից այս մրցանակը ստանալը, ինչ խոսք, պարտավորեցնող է։ Ստանդարտ խոստումներ չեմ տալու։ Աշխատելու եմ այնպես, ինչպես աշխատել եմ՝ անկախ, անաչառ, դատավորի ներքին համոզմունքով ու օրենքի տառին համապատասխան։ Միայն այդ դեպքում խիղճդ կարող է հանգիստ լինել։

Շնորհակալ եմ գնահատականի համար. այն ևս մեկ անգամ ապացուցում է՝ Հայաստանում անկախ դատական համակարգի լիարժեք կայացումն այլընտրանք չունի։

Կրկին առանձնահատուկ շնորհակալություն եմ հայտնում աշխատակազմիս՝ իմ կողքին լինելու համար»: