Մերցը կանխատեսել է Իրանում «ռեժիմի» անխուսափելի ավարտը

Գերմանիայի կանցլեր Ֆրիդրիխ Մերցը կանխատեսել էր Իրանում հաստատված «ռեժիմի» անխուսափելի ավարտը: Նրա՝ Հնդկաստան կատարած այցի ժամանակ հնչած խոսքերը մեջբերել է Tagesschau-ն։

«Եթե ռեժիմը կարող է իշխանությանը կառչել միայն բռնության միջոցով, ապա այն փաստացի կործանված է: Ես կարծում եմ, որ մենք այժմ ականատես ենք այս ռեժիմի վերջին օրերին և շաբաթներին», - ասել է Մերցը։

Զանգվածային բողոքի ցույցերը Իրանում սկսվել են 2025 թվականի դեկտեմբերի վերջին՝ ազգային արժույթի արժեզրկման դեմ: Ի պատասխան՝ իշխանությունները ուժեղացրել են անվտանգության միջոցառումները, այդ թվում՝ ոստիկանության կողմից արցունքաբեր գազի և օդամղիչ հրացանների կիրառումը:

Ամենամեծ ցույցերը տեղի են ունեցել Թեհրանում: Associated Press-ի տվյալներով՝ բողոքի ցույցերի ժամանակ 544 մարդ մահացու վնասվածքներ է ստացել: