Մասկը հայտարարել է՝ SpaceX-ի նպատակը այլմոլորակայինների հետ հանդիպումն է

SpaceX տիեզերական ընկերության նպատակն է ճանապարհորդել դեպի այլ աստղային համակարգեր և հանդիպել այլմոլորակայինների հետ։ Այս մասին Տեխասում հայտարարել է ընկերության հիմնադիր, ամերիկացի միլիարդատեր Իլոն Մասկը, գրում է RIA Novosti-ն։

«Ես ձեզ կպատմեմ SpaceX-ի նպատակի մասին։ Մենք ուզում ենք «Աստղային ճանապարհը» (գիտաֆանտաստիկ սերիալը – խմբ․) իրականություն դարձնել», - գործակալությունը մեջբերել է նրա խոսքերը։

Խոսելով ընկերության ապագայի մասին՝ Մասկը պատկերացնում էր մարդկանց ճանապարհորդել դեպի այլ մոլորակներ մեծ տիեզերանավերով և «վերջիվերջո դեպի այլ աստղային համակարգեր, որտեղ մենք կարող ենք հանդիպել այլմոլորակայինների կամ հայտնաբերել այլմոլորակային քաղաքակրթություններ»։