Դանիան արձագանք է առաջարկում Թրամփի՝ Գրենլանդիան վերահսկելու հավակնություններին
Աշխարհ
Դանիայում առաջարկել են պատասխան քայլ ԱՄՆ նախկին նախագահ Դոնալդ Թրամփի՝ Գրենլանդիայի նկատմամբ վերահսկողություն հաստատելու ձգտումներին։ Իսպանական El País պարբերականի փոխանցմամբ՝ դանիացի զինվորականները քննարկում են Բալթիկ ծովում գտնվող Բորնհոլմ կղզուց ուժերի տեղափոխումը Գրենլանդիա՝ որպես քաղաքական և ռազմավարական ազդակ Վաշինգտոնին։
Պարբերականի հետ զրույցում դանիացի զինվորականներից մեկը նշել է, որ եթե Կոպենհագենը ցանկանում է հստակ ուղերձ հղել ԱՄՆ-ին, կարող է Գրենլանդիա ուղարկել Բորնհոլմում տեղակայված ստորաբաժանումները։ Առաջարկը հնչել է այն ֆոնին, երբ Սպիտակ տունը ավելի վաղ հրապարակել էր լուսանկար, որտեղ Թրամփը իր աշխատասենյակի պատուհանից նայում է Գրենլանդիայի մեծ քարտեզին։
Ավելի վաղ ԱՄՆ Կոնգրեսում ներկայացվել էր օրինագիծ, որը նախատեսում է Գրենլանդիայի «անեքսիա» և նրան նահանգի կարգավիճակ տրամադրելու հնարավորություն։ Նախաձեռնության համաձայն՝ այդ օրենքը Թրամփին կտար լիազորություններ ձեռնարկել ցանկացած քայլ, որը անհրաժեշտ կհամարվեր Գրենլանդիայի անեքսիայի կամ ձեռքբերման համար, ինչը Դանիայում առաջացրել է լուրջ մտահոգություններ։
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
