Թրամփի ծաղրից հետո Մարկո Ռուբիոն կրել է իր չափսից մեծ կոշիկ

ԱՄՆ պետքարտուղար Մարկո Ռուբիոն որոշ ժամանակ կրել է իրեն չհամապատասխանող կոշիկ՝ այն բանից հետո, երբ ԱՄՆ նախագահ Դոնալդ Թրամփը ծաղրել է նրա և փոխնախագահ Ջեյ Դի Վենսի ընտրած կոշիկները։ Այդ մասին գրում է The Daily Beast-ը՝ հղում անելով Վենսի պատմած դրվագին։

Ըստ հրապարակման՝ նախորդ ամսվա տոնական միջոցառման ժամանակ Վենսը պատմել է, որ Թրամփը դադարեցրել է «շատ կարևոր» հանդիպումը Օվալաձև աշխատասենյակում՝ քննադատելու նրանց «անպիտան կոշիկները»։ Այնուհետև նախագահը խոստացել է յուրաքանչյուրին գնել չորս զույգ կոշիկ, հետաքրքրվել նրանց չափսերով և նշել, որ տղամարդու կոշիկի չափսից «կարելի է շատ բան հասկանալ նրա մասին»։

Դրանից հետո Ռուբիոն հանրության առաջ նկատվել է փայլուն կաշվե կոշիկներով, որոնք ակնհայտորեն մեծ են եղել նրա համար․ լուսանկարներում երևում է, որ նվիրած կոշիկը չափսով չի համապատասխանում։ Պարբերականը նաև հիշեցնում է, որ Թրամփը Ռուբիոյին և Վենսին երբեմն անվանել է «երեխաներ», իսկ The New York Times-ին տված հարցազրույցում հանդես է եկել «հայրական» տոնով՝ օգնականների ու խորհրդականների նկատմամբ։ Ավելի վաղ Թրամփը նաև դրական էր գնահատել այն միտքը, որ Ռուբիոն կարող է դառնալ Կուբայի հաջորդ նախագահը։