Զախարովան նշել է Ուկրաինայում խաղաղությանը խոչընդոտող երկրներին

Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել է, որ Եվրոպական միության երկրներն ու Մեծ Բրիտանիան խոչընդոտում են Ուկրաինայում խաղաղ կարգավորմանը։ Նրա հայտարարությունը փոխանցում է ՏԱՍՍ-ը։

Զախարովայի խոսքով՝ Լոնդոնն ու ԵՄ-ն «ակտիվ և նպատակաուղղված» արգելակում են ուկրաինական ճգնաժամի քաղաքական և դիվանագիտական լուծումները։ Նա նշել է, որ այդ երկրների քաղաքական էլիտաները խաղաղ գործընթացը դիտարկում են որպես սպառնալիք իրենց գլոբալ ազդեցությանը։

Ավելի վաղ Զախարովան կոշտ քննադատության էր ենթարկել Ուկրաինայի նախագահ Վլադիմիր Զելենսկիուն՝ նշելով, որ նրա կերպարը ձևավորվել է Արևմուտքի կողմից, և հենց այդ քաղաքականությունն է, ըստ նրա, հանգեցրել ներկայիս սպառնալիքների առաջացմանը։