Այս 5 տարիների ընթացքում Գևորգի կինն ամեն օր պայքարել է ամուսնու վերադարձի համար․ Հայկ Սարգսյան

ԱԺ ՔՊ խմբակցության պատգամավոր Հայկ Սարգսյանը Ֆեյսբուքի իր էջում գրել է․ «Գևորգը 5 տարվա գերությունից հետո այսօր վերադարձավ Հայաստան: Այս 5 տարիների ընթացքում նրա կինը` Լիլիթ Սուջյանը, ամեն օր պայքարել է ամուսնու վերադարձի համար:

 

Շատ հուզիչ են նրա գրառումները որոնցից մեկը կտեղադրեմ այստեղ.

 

«Հիշեք էս տղուն, ինքը գիտեք ով է՞

 

Ով պատերազմը սկսվելու հենց առաջին օրվանից հումանիտար օգնություն է տարել Արցախ, պատերազմի ավարտից հետ նոյեմբերի 11-ին Դավիթի հետ գերևարվել ադրբեջանցի զինվորների կողմից, զենք չի ունեցել, չի կռվել, բայց մինչև այսօր պահվում է բաքվի բանտում, դատապարտել են շինծու մեղադրանքով 15 տարի ազատազրկման, 15 տարի...ով ունի ընտանիք, երեխա, բազում երազանքներ ու նպատակներ, բայց ամբողջը մնացել է ճաղերից այս կողմ, այն հույսով, որ իր արածների շնորհակալ պատասխանը պետք է ստանա իր ազգի կողմից, որ իր ազգը կպայքարի իր համար, չի թողնի որ մոռանան, իր կարգախոսով` #միասնական_ուժն_անհաղթ_է։

 

Դե բայց չգիտի, որ այստեղ ազգը պառակտվել է մասերի, չնայած միշտ էլ նույնն ենք եղել։

Դե նստեք ու սպասեք մի օր ամեն ինչ լավ կլինի»։