Կրեմլ. Զելենսկին պետք է քայլեր ձեռնարկի խաղաղության ուղղությամբ

Կրեմլում հայտարարել են, որ Ուկրաինայի նախագահ Վլադիմիր Զելենսկու համար վաղուց հասունացել է խաղաղությանը նպաստող որոշումներ ընդունելու պահը։ Այդ մասին ՏԱՍՍ-ին ասել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ Մոսկվան դեռ անցած տարի էր մատնանշել, որ Կիևի ղեկավարը պետք է ստանձնի պատասխանատվություն և կայացնի համապատասխան քաղաքական որոշումներ։ «Ժամանակն արդեն վաղուց է հասել, սակայն Կիևում մինչ այժմ նման քայլեր չեն արվել», — նշել է Պեսկովը։

Կրեմլի ներկայացուցիչը ընդգծել է, որ Ռուսաստանի դիրքորոշումը խաղաղ կարգավորման հարցում հայտնի է, սակայն նախաձեռնողական քայլերի բացակայությունը ուկրաինական կողմից շարունակում է խոչընդոտել գործընթացի առաջընթացը։