«Երիտասարդները կարող են միայն նախանձել»․ Թրամփի ֆիզիկական վիճակը բարձր են գնահատել

ԱՄՆ նախագահի մամուլի քարտուղար Քերոլայն Լևիթը գնահատել է 79-ամյա Դոնալդ Թրամփի ֆիզիկական վիճակը՝ ընդգծելով, որ նա ունի էներգիա, որի մասին շատ երիտասարդներ կարող են միայն երազել։ Այդ մասին գրում է People-ը՝ հղում անելով Սպիտակ տան ներկայացուցչի մեկնաբանությանը։

Լևիթը համաձայնել է ԱՄՆ առողջապահության նախարար Ռոբերտ Քենեդի կրտսերի գնահատականին՝ նշելով, որ Թրամփը գտնվում է «գերազանց ֆիզիկական վիճակում»՝ չնայած ֆաստֆուդի, քաղցրավենիքի և դիետիկ կոլայի հանդեպ նրա հայտնի նախասիրություններին։ «Քենեդին ճիշտ է։ Գոլֆի մրցաշարերի արդյունքներն ու բժշկական զեկույցները ցույց են տալիս, որ նախագահի ֆիզիկական ձևն ու էներգիան տպավորիչ են», — ասել է նա։

Ավելի վաղ Լոնդոնից ոճաբան և վարսահարդար Գուստավ Ֆուշեն մեկնաբանել էր Թրամփի արտաքին տեսքի փոփոխությունները՝ ուշադրություն հրավիրելով նրա մազերի գույնի անսպասելի փոփոխության վրա։ Մասնագետը վերլուծել էր նախագահի ելույթը Վաշինգտոնում՝ Ջոն Քենեդու անվան կատարողական արվեստների կենտրոնում, Հանրապետական կուսակցության անդամների առջև ունեցած հանդիպման ընթացքում։