Թուրքիայի և Ադրբեջանի ԱԳ նախարարները քննարկումներ են ունեցել TRIPP-ի շրջանակային փաստաթղթի շուրջ
Քաղաքական
«Զանգեզուրի միջանցքը» կարևոր է ինչպես Միջին միջանցքի, այնպես էլ Ադրբեջանի մայրցամաքային մասի և Նախիջևանի միջև կապ հաստատելու համար։ Ըստ ԱՊԱ-ի, այս մասին մամուլի ասուլիսում հայտարարել է Թուրքիայի արտաքին գործերի նախարար Հաքան Ֆիդանը։
Նրա խոսքով, Թուրքիան ցանկանում է Ադրբեջանի և Հայաստանի միջև վերջնական խաղաղության համաձայնագրի ստորագրում։
Արտգործնախարարն ընդգծել է, որ Թուրքիան մտադիր է կարգավորել հարաբերությունները Հայաստանի հետ. «Ե՛վ Ադրբեջանը, և՛ Թուրքիան, ինչպես նաև Հայաստանը ունեն դրա համար անհրաժեշտ կամքը»։
Ֆիդանը նշել է, որ ինքն ու Ադրբեջանի արտաքին գործերի նախարար Ջեյհուն Բայրամովը քննարկել են Թրամփի «Միջազգային խաղաղության և բարգավաճման ճանապարհային քարտեզի» (TRIPP) իրականացման շրջանակային փաստաթուղթը։ Նա հավելել է, որ Թուրքիայի նախագահին նույնպես տեղեկացվել է շրջանակային փաստաթղթի մասին.
«ՀՀ արտաքին գործերի նախարարի Վաշինգտոն կատարած այցի ժամանակ հրապարակվել է TRIPP շրջանակային փաստաթուղթը։ Մենք այս հարցի շուրջ երկժամյա քննարկումներ ենք ունեցել իմ հարգարժան գործընկեր Ջեյհուն Բայրամովի հետ։ Ադրբեջանական կողմի հեռանկարները կարևոր են մեզ համար։ Նախագահ Էրդողանին նույնպես տեղեկացվել է դրա մասին»,- ասել է նա։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
