Մակրոնը հայտարարեց «Արկտիկական դիմացկունություն» զորավարժությունների մասին

Ֆրանսիայի նախագահ Էմանուել Մակրոնը հայտարարել է, որ Փարիզը Դանիայի խնդրանքով կմասնակցի Գրենլանդիայում ՆԱՏՕ-ի համատեղ զորավարժություններին, իսկ առաջին ստորաբաժանումներն արդեն ճանապարհին են։ Հաղորդագրությունը հայտնվել է նրա սոցիալական ցանցերի էջում։

Նրա խոսքով՝ գործողությունը կոչվում է «Արկտիկական դիմացկունություն», և առաջին ֆրանսիական զորքերը արդեն ճանապարհին են։

Ավելի վաղ Էմանուել Մակրոնը զգուշացրել էր «աննախադեպ շղթայական ռեակցիաների» մասին, եթե Միացյալ Նահանգները բռնակցի Գրենլանդիան։ Նա ընդգծել է, որ լուրջ է վերաբերվում ամերիկացի պաշտոնյաների կողմից կղզու վերաբերյալ արված հայտարարություններին։

«Եվրոպական երկրի անկախության նկատմամբ ցանկացած խախտում կունենա բացասական հետևանքներ»,- նշել է Ֆրանսիայի նախագահը։