Մեծ Բրիտանիան հանդուգն պատասխանել Է Թրամփին․ Politico
Աշխարհ
Մեծ Բրիտանիան հավանություն է տալիս ՆԱՏՕ-ի «Արկտիկական ժամապահ» գործողության անցկացման նախաձեռնությանը՝ Հեռավոր Հյուսիսում Հյուսիսատլանտյան դաշինքի ուժերն ամրապնդելու համար: Այս մասին հայտնել է Մեծ Բրիտանիայի ԱԳ նախարար Իվետ Կուպերը, գրում է Politico-ն։
«Մենք ցանկանում ենք, որ ՆԱՏՕ-ի դերն ուժեղանա, որ այն կրկնապատկի Արկտիկայում անվտանգության ապահովման ջանքերը և իրագործի «Արկտիկական ժամապահ» գործողությունը», - նշել է Կուպերը: Դիվանագետի խոսքով՝ այդ գործողության նպատակն է ընդգրկել ամբողջ «Հեռավոր Հյուսիսը», ներառյալ Գրենլանդիան, Իսլանդիան, Ֆինլանդիան և տարածաշրջանի ծովային ուղիները:
Նա նաև հնարավոր է համարել Գրենլանդիայում ՆԱՏՕ-ի զորավարժությունների անցկացումը։ Նախաձեռնությանը աջակցել է նաև Նորվեգիայի արտաքին գործերի նախարար Էսպեն Բարտ Էյդեն։ «Մենք տեսնում ենք, որ այն երկրները, որոնք ավելի քիչ հետաքրքրված էին Արկտիկայով, այժմ ավելի մեծ հետաքրքրություն են ցուցաբերում», - մանրամասնել է նախարարը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
