Ֆրանսիայի ֆինանսների նախարարությունը զգուշացրել է Միացյալ Նահանգներին Գրենլանդիայի բռնագրավման տնտեսական հետևանքների մասին
Աշխարհ
Ֆրանսիայի ֆինանսների նախարար Ռոլան Լեսկյուրը զգուշացրել է իր ամերիկացի գործընկեր Սքոթ Բեսենթին, որ ԱՄՆ-ի` Գրենլանդիան զավթելու ցանկացած փորձ «կհատի կարմիր գիծը» և կվտանգի Եվրոպայի տնտեսական հարաբերությունները Վաշինգտոնի հետ, գրում է The Financial Times-ը։
Լեսկյուրը նշել է, որ նույն ուղերձը փոխանցել է ԱՄՆ ֆինանսների նախարարին՝ ընդգծելով «եվրոպացիների խորը մտահոգությունը» ԱՄՆ նախագահ Դոնալդ Թրամփի՝ Գրենլանդիայի նկատմամբ պահանջների վերաբերյալ։
«Գրենլանդիան ԵՄ-ի կազմում գտնվող ինքնիշխան պետության ինքնիշխան մասն է։ Սա այն բանը չէ, որի հետ կարելի է խաղալ։ Երբ մենք անհամաձայնություններ ունենք, միշտ ավելի լավ է մնալ ներգրավված, և հենց դա էլ մենք հիմա անում ենք։ Երկխոսությունը պետք է շարունակվի, մինչև չանցնեն սահմանները, որոնք չպետք է հատվեն», - նշել է Լեսկյուրը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
