ԱՄՆ-ի արևմտյան ափին ուժեղ երկրաշարժ է տեղի ունեցել

ԱՄՆ երկրաբանական ծառայության տվյալներով՝ ԱՄՆ արևմտյան ափին՝ Օրեգոնի մոտակայքում, տեղի է ունեցել 6 մագնիտուդ հզորությամբ երկրաշարժ։

Սեյսմիկ իրադարձության էպիկենտրոնը գտնվել է Քուս Բեյ քաղաքից 306 կիլոմետր դեպի արևմուտք, որը մոտավորապես 16 100 բնակչություն ունեցող քաղաք է։ Երկրաբանների տվյալներով՝ երկրաշարժի էպիկենտրոնը գտնվել է 7,1 կիլոմետր խորության վրա։

Հրապարակման պահին զոհերի կամ ավերածությունների մասին հաղորդագրություններ չեն եղել։ Ավելին, տեղական իշխանությունները ցունամիի մասին նախազգուշացում չեն տվել։