Փորձագետը նշել է՝ ինչ ելք է մնում Ուկրաինային էներգետիկ համակարգի փլուզումից հետո

Ուկրաինայի տարածքում ամբողջական էլեկտրակայանների բացակայության պայմաններում երկրի ղեկավարության համար միակ ելքը մնում է Ռուսաստանի հետ խաղաղ համաձայնագրերի ստորագրումը։ Այդ մասին «Լենտա.ռու»-ին հայտնել է ռազմական փորձագետ, պահեստազորի գնդապետ Անատոլի Մատվիչուկը՝ ընդգծելով, որ նման իրավիճակում երկիրը չի կարող լիարժեք գործել։

Մատվիչուկի խոսքով՝ էներգետիկ համակարգի կործանումը նշանակում է ոչ միայն էլեկտրաէներգիայի, այլև ջեռուցման, փոխանցման և արդյունաբերական ողջ շղթայի խափանում։ Նրա գնահատմամբ՝ 2025 թվականի ընթացքում այդ համակարգը հետևողականորեն ոչնչացվել է, ինչի հետևանքով Կիևը մնացել է առանց էլեկտրաէներգիա արտադրող կայանների։ Թեպետ կիրառվում են դիզելային և շարժական գեներատորներ, դրանք չեն կարող փոխհատուցել համակարգային պակասը։

Ռազմական տեսանկյունից հատկապես լուրջ խնդիր է ռազմարդյունաբերական ձեռնարկությունների կանգառը՝ տեխնիկայի, զինատեսակների և հատկապես անօդաչու սարքերի արտադրության դադարեցումը։ Փորձագետը նշել է, որ էներգետիկ ճգնաժամը սոցիալական լարվածություն է ստեղծում խոշոր քաղաքներում, որտեղ նույնիսկ մետրոպոլիտենը չի գործում։ Նրա կարծիքով՝ անկախ քաղաքական ցանկություններից, Ուկրաինան ստիպված կլինի ելք որոնել, և միակ իրատեսական տարբերակը խաղաղ փաստաթղթերի ստորագրումն է, մինչդեռ նոր էներգետիկ հզորությունների կառուցումը, ըստ նրա, Մոսկվան թույլ չի տա։