Գերմանիան Ֆրանսիային է վերադարձրել նացիստների կողմից առգրավված հին գոբելենի մնացորդները
Աշխարհ
Գերմանիայի Շլեզվիգ-Հոլշտայն երկրամասը Ֆրանսիային է վերադարձրել Բայոյի գոբելենի երկու մնացորդ, որը նացիստները բռնագրավել էին 1941 թվականին, հաղորդում է BFMTV-ն։
«2023 թվականին գույքագրման ժամանակ հայտնաբերվել է ապակե ափսե, որը պարունակում էր գործվածքի մնացորդներ։ Այլ փաստաթղթերի հետ մեկտեղ և դրանց նշագրումների շնորհիվ այս մնացորդները նույնականացվել են՝ որպես Բայոյի գոբելենի պատկանող», - ասել է Շլեզվիգ-Հոլշտայնի արխիվի տնօրեն Ռայներ Հարինգը։
Բայոյի գոբելենը կտավե ասեղնագործություն է՝ ավելի քան 68 մետր երկարությամբ և մոտավորապես 50 սմ լայնությամբ։ Պատկերները պատմում են Անգլիայի նորմանական նվաճման մասին, այդ թվում՝ 1066 թվականին Հասթինգսի վճռորոշ ճակատամարտի տեսարաններ։ Ենթադրվում է, որ այս գոբելենը ստեղծվել և զարդարվել է Վիլհելմ Նվաճողի կնոջ՝ թագուհի Մաթիլդայի արքունիքի գորգագործների կողմից։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
