Հրապարակվել է Թրամփի և Մակրոնի ոչ պաշտոնական զրույցը՝ Զելենսկու հրադադարի համաձայնության մասին

Սոցիալական ցանցերում հրապարակվել է ԱՄՆ և Ֆրանսիայի նախագահներ Դոնալդ Թրամփի և Էմանուել Մակրոնի ոչ պաշտոնական հեռախոսազրույցի տեսագրությունը, որտեղ քննարկվում է Ուկրաինայի նախագահ Վլադիմիր Զելենսկու համաձայնությունը 30-օրյա հրադադարի առաջարկին։ Տեսանյութը FranceTV-ն հրապարակել է X հարթակում։

Կադրերում երևում է, թե ինչպես Մակրոնը, Վլադիմիր Զելենսկու, Մեծ Բրիտանիայի վարչապետ Քիր Սթարմերի և Գերմանիայի կանցլեր Ֆրիդրիխ Մերցի հետ բանակցություններից հետո, զանգահարում է Թրամփին՝ ներողություն խնդրելով վաղ ժամին անհանգստացնելու համար։ Այնուհետև նա առաջարկում է երկու րոպե անց կրկին կապ հաստատել՝ արդեն մյուս առաջնորդների մասնակցությամբ։

Զրույցի ընթացքում Մակրոնը Թրամփին տեղեկացնում է, որ Զելենսկին համաձայնել է Սպիտակ տան ղեկավարի առաջարկած ժամանակավոր հրադադարին։ Թրամփը արձագանքում է՝ «Հիանալի է։ Դրա համար Նոբելյան մրցանակ», և ֆրանսիացի գործընկերոջը բնորոշում է որպես «ամենամեծ առաջնորդ»։ Ավելի վաղ Թրամփը հայտարարել էր, որ Ռուսաստանի նախագահ Վլադիմիր Պուտինը պատրաստ է գործարքի և հակամարտության ավարտի, մինչդեռ Զելենսկին՝ ոչ։