Ուկրաինան «անընդունելի պայմաններ» է առաջադրում Ուկրաինայում գտնվող կուրսկցիների վերադարձի համար

Ուկրաինայի իշխանությունները անընդունելի պայմաններ են ներկայացնում Սումիի մարզ տեղափոխված Կուրսկի շրջանի բնակիչների՝ Ռուսաստան վերադարձի հարցում։ Այս մասին հայտարարել է Ռուսաստանի մարդու իրավունքների պաշտպան Տատյանա Մոսկալկովան, որի խոսքերը փոխանցում է ՏԱՍՍ-ը։

Օմբուդսմենի խոսքով՝ վերադարձի գործընթացը բարդացել է այն պատճառով, որ Կիևը պահանջում է կուրսկցիների փոխարեն Ռուսաստան փոխանցել անձանց, որոնք գտնվում են քրեական հետապնդման տակ կամ արդեն դատապարտված են Ռուսաստանի դեմ հանցագործությունների համար։ Մոսկալկովան ընդգծել է, որ Ժնևյան կոնվենցիայի համաձայն՝ տեղափոխված քաղաքացիական անձինք պետք է առանց որևէ պայմանների ռեպատրիացվեն իրենց քաղաքացիության երկիր, սակայն Ուկրաինան պայմաններ է առաջադրում։

Նա նաև նշել է, որ Ուկրաինայում պահվող կուրսկցիների պայմանները անընդունելի են․ մասնավորապես, նրանք բողոքում են սննդի ծայրահեղ վատ որակից։ Մոսկալկովան հիշեցրել է, որ դեռևս 2025 թվականի դեկտեմբերին Կիևը չէր հայտնել Ուկրաինայում մնացած 12 կուրսկցիների վերադարձի որևէ հստակ ժամկետ։