«Աստծուն շատ եմ հավատում, դրա համար»․ Դուրգարյանը նորից եկել է Փաշինյանի կազմակերպած պատարագին
Քաղաքական
«Նիկոլ Փաշինյանի կազմակերպած պատարագները երբեք բաց չեք թողնում։ Ինչո՞ւ եք Փաշինյանի հետևից գնում ամեն տեղ»,– նման հարց է լրագրողն ուղղել Սպենդիարյանի անվան օպերայի և բալետի ազգային ակադեմիական թատրոնի փոխտնօրեն Վրեժ Դուրգարյանին, որը եկել է Չարենցավան՝ մասնակցելու Փաշինյանի կազմակերպած հերթական պատարագին։
Ի պատասխան՝ նա ասաց․ «Աստծուն շատ եմ հավատում, դրա համար»։
Լրագրողի արձագանքին, որ Փաշինյանի եկած եկեղեցիներն եք միայն գնում, նա ասաց․ «Դուք էիք հայտարարել, որ պատարագը ստեղ է լինելու, մենք էլ եկել ենք»։
Հարցին, թե պաշտոնի ակնկալիք ունի՞, նա պատասխանեց․ «Երբեք։ Ինձ պետք չէ ոչ մի պաշտոն։ Ես այն, ինչ անում եմ մեր ազգի ու մշակույթի համար, հերիք է»։
Անդրադառնալով միջադեպին, երբ բարձրացել էր Մայր Աթոռի բակում շիրիմների վրա՝ նա ասաց․ «Լիքը եկեղեցիներ կան, որ հենց դիմացն է շիրիմը, և հենց վրայով պետք է անցնես։ Երբ որ ինձ ասացին շիրիմից իջի, ես իջա, եկեղեցականը մոտ 15–20 րոպե մնաց շիրիմի վրա»։
Նա նշեց, որ այդ օրն ինքը խմած չի եղել․ «Այդ նույն եկեղեցականը, որ սուտ ասեց, թե խմած եմ, կանեփի հոտ էր գալիս, նայեք՝ քթերներն էր քաշում ․․․ այդ եկեղեցականը Աստվածաշնչից ու խունկի հոտից էն կողմ բան չպիտի իմանա։ Եկեղեցականները նման բաներ չպիտի իմանան»։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
