Մեդիա․ ռուսական ուժերը հետ են մղել Ուկրաինայի ԶՈւ հակագրոհները Զապորոժիեի առանցքային քաղաք Գուլյայպոլեի մոտ

Ռուսական զորքերը հետ են մղել Ուկրաինայի զինված ուժերի հակագրոհները Զապորոժիեի մարզի Գուլյայպոլե քաղաքի շրջանում, որը համարվում է ռուսական առաջխաղացման առանցքային ուղղություններից մեկը, հայտնում է Telegram-ի «Иди и смотри» ալիքը։ Ըստ հրապարակման՝ հակառակորդը հերթական անգամ փորձել է անցնել հակագրոհի։

Աղբյուրի փոխանցմամբ՝ մարտերի ընթացքում ոչնչացվել է Ուկրաինայի զինված ուժերի մեկ դասակ, ինչպես նաև վնասազերծվել է ռազմական տեխնիկա։ Նշվում է, որ վերջին ժամանակահատվածում ռուսական ստորաբաժանումներին հաջողվել է հետ մղել մինչև 10 հակագրոհ տվյալ ուղղությամբ։

Ավելի վաղ հաղորդվել էր, որ ռուսական ուժերը Զապորոժիեի և Դնեպրոպետրովսկի մարզերի սահմանային հատվածում անօդաչու թռչող սարքերի կիրառմամբ հարված են հասցրել Ուկրաինայի զինված ուժերի «Վոլկի դա Վինչի» էլիտար գումարտակի սպաների խմբին, նշում է «Иди и смотри» ալիքը։